Catanzaru strata strata !

[mimmo]

Catanzaru strata, strata !


Catanzaru strata strata,
Passu lentu, caminata,
Ventu fuhhjia quantu vichj
Mo su stancu <<cchi>>

-----*------

Tu camini ti nd’accorgi
Ca tu vidi i stessi facci
De l’amicu bbonu e chjazza,
Tu canusci c’hava i cazzi.

-----*------

Ciao totò comu staciti!
Tutti i fatti da jornata,
Ha’ me cunti vichj vichj,
Quandu ncontri i megghju amici.

-----*------

Voti i spaddhi e tiri lestu,
Vidi tantu strata strata
Na palumba caca a vvolu
Tutta a capu l’ha’ vagnata.


Tu nda vidi e tiri drittu
<<Mamma>>
Quantu sordi cc’è ’amicu
Statti attentu no guardara
Quantu corna c’ava u zzitu!.

-----*------

Catanzaru strata strata,
Vecchiareddhi a la novina
Ncunu canta aricchja e ntona
Na preghera santa e bbona.

-----*------

Ti nd’accorgi de luntanu
Quandu ncunu on bo bistu,
Ca ssi ferma e sta a la lata
Po jiestima a passiata
<<Catta>>

-----*------

Catanzaru strata strata,
Mo su tempi d’elezzioni
A la chjazza cchi nzalata
Tutti a voti e na mangiata.

-----*------

Cu ti duna u cioduleddhu,
Cu ti fa sorrisu bbonu
Cu prometta u novu postu
Po ti duna nu vrasciolu.



Catanzaru strata strata,
C’è ma ciangi a la jiornata
Mari e munti a la promessa
Po ti trovi cunnu e fissa.

-----*------

Carliceddhu jiamuninda!
Gua cu cappa cca nta chjazza
Ca ruffiani de a milioni
<<Vota>>.

-----*------

A Catanzaru strata strata
C’è macari cu ti cerca,
Ma nci duni ncuna lira,
E t’aspetta arribba a strata
Apra a manu chjuda e spira.

-----*------

Tu ricogghi ncuna lira
E nci a duni<<mo>>
Catanzaru stata strata
Bba ! E’ tardi ppe stasira.

Autore : M° Mimmo Badolato

catanzaro 1-11-2008

[Google]